Buhari ya ce ba tallafin gwamnati aka wawushe a jihohi ba



Fadar shugaban Najeriya ta ce ba tallafin gwamnati aka wawushe a jihohi ba, sabanin yadda wasu ke zargin gwamnatocin jihohi da ƙin raba kayayyakin.

Gwamnatin Najeriya ta ce tallafin da aka wawushe na wasu ƴan kasuwa ne da suka tara domin agaza wa mutane.

Mai magana da yawun shugaban Najeriya Malam Garba Shehu ya shaida wa BBC cewa kayan abincin da mutane suka wawushe a jihohi ba na Gwamnatin Tarayya ba ne.
"Na ƴan kasuwa ne da suka tara kudi don taimakawa kan wahalar da annobar korona ta jefa mutane," in ji shi.

Jihohi da dama ne aka ɓalle wuraren ajiye abinci kuma aka wawushe su.

Jihohin Adamawa da Kaduna da Filato da Taraba da Abuja da Cross River da Kwara da Oyo na cikin jihohin da suka fuskanci ayyukan matasan.

Wasu da dama a Najeriya sun yi zargin gwamnatocin jihohi da jinkirta raba kayan agaji, wanda ya kawo wannan gaba da wasu da ake zargin ɓata-gari ne suka ɓalla wuraren ajiyar suna kwashewa.

Amma wata sanarwar da jami`in yaɗa labaran ƙungiyar gwamnonin Najeriyar, Abdurrazak Barkindo ya fitar, ta ce gwamnonin ba sa ƙwange ko boye kayan agajin, suna rabar da abin da ya shiga hannunsu ga mabukata, face wanda suke ajiye wa don ko-ta-kwana.

"Kayan da ake magana an gani ana wawashewa a wasu jihohin na wani gangamin `yan kasuwa ne da ke taimakawa mutane," a cewar sanarwar ƙungiyar gwamnonin.

Haka nan, Malam Garba Shehu ya ce ƴan kasuwa ne suka tara kudi kuma suka samu masana'antu suna yi masu kayayyaki na musamman.
Ya ƙara da cewa kamar yadda gwamnati take da nata tsarin tallafawa al'umma haka ƴan kasuwa suna da nasu tsarin.

Duk da cewa Gwamnatin Tarayyar na alakanta kayan agajin da gangamin ƴan kasuwa, amma ba ta fito fili ta ce ta kammala raba nata kayan da ta yi alkawarin tallafa wa gajiyayyu ba.

Ko da yake mai magana da yawun shugaban ƙasar Malam Garba Shehu ya ce ita gwamnati ba ta rabuwa da tanadin kayan abinci a kodayaushe, saboda da shi take amfani wajen taimaka wa al`ummomin da masifa ta auka musu.

Shugaba Buhari dai ya nuna rashin jin dadinsa dangane da wawason da wasu `yan kasar suka yi a wuraren ajiyar na gwamnati da ma wasu kantuna da gidajen wasu `yan siyasa.

Ya bayyana halayyar da cewa ta saɓa da shaidar da aka yi wa al`umar kasar ta nagarta.Buhari ya ce ba tallafin gwamnati aka wawushe a jihohi ba Yayin da gwamnatin Najeriyar ke yin tir da dabi`ar masu kwasar ganimar, wasu masu sharhi kuma a kan al'amura na cewa wawason manuniya ce game da halin kunci da matsi, da masu karamin karfi suka samu kansu, wanda ke bukatar mahukunta su hanzarta wajen daukar matakin yassare musu.

Comments

Post a Comment

Popular posts from this blog

Za a hukunta duk wanda aka samu da aikata laifi a rundunar SARS - Malami

Image
Gwamnatin Najeriya ta ce ta fara aiki kan rahoton bincike kan cin zarafin bil adama da ake zargin jami’an rundunar SARS da yi. A shekarar 1994 ne aka kafa rundunar ta SARS mai yaki da fashi da makami a fadin kasar. Sai da ‘yan kasar sun dade suna zargin jami’anta da aikata laifukan da suka hada da mugunta, cin zarafin biladama da kisa ba tare da gurfanarwa a gaban kotu ba. A hirarsu da BBC, Ministan Shari’a na Najeriyar Abubakar Malami ya ce a jiya ne hukumar kare hakkin bil adama ta kasar ta mika masa rahoton kan binciken da ta yi game da jami’an kuma tuni ya soma aiki a kansa. Game da tsawon lokacin da aka dauka kafin kwamitin ya mika rahoton nasa, Ministan ya bayyana cewa a tsarin gwamnatin kasar, idan aka gabatar mata da zargi ko koke-koke irin wadannan da ke da nasaba da cin zarafin bil adama, dole ne sai ya dauki tsawon lokaci ana bin bahasi kafin a cimma bukatar da ake da it ana binciko ainin wadanda suka aikata laifin. ‘’A karkashin Hukumar kare hakkin biladama ta kasa, mun kaf
Read more

Kisan mutane 20: Matawalle ya kaiwa Buhari kuka Villa (Hotuna)

Image
Shugaban kasa Muhammadu Buhari ya karbi bakuncin gwamnan jihar Zamfara  Matawalle ya ce rusa rundunar SARS matsala ne ga al'ummar jiharsa  - Ya bukaci a kara tura jami'an tsaro jihar domin kawar da yan bindiga Gwamnan jihar Zamfara, Bello Muhammad Matawalle, a ranar Juma'a ya bayyana cewa sama da yan kasar waje 31 aka kora daga Najeriya saboda hakan ma'adinai ba bisa doka ba a jihar.  Gwamna ya kara da cewa mutane 20 yan bindiga suka kashe ranar Laraba bayan rusa rundunar SARS da gwamnatin tarayya tayi,  kisan-mutane-20-matawalle-ya-kaiwa-buhari-kuka-villa-hotuna. Gwamnat Matawalle ya bayyana hakan ne ga manema labaran fadar shugaban kasa bayan ganawa da shugaba Muhammadu Buhari inda ya bukaci a dawo masa da jami'an SARS. Ya kawo wa shugaba Buhari ziyara ne kan lamarin tsaron jihar. "Na zo ne domin bayyanawa shugaban kasa halin da jihar ke ciki.  Bayan rusa rundunar SARS mun fuskanci wasu matsaloli, musamman shekaran jiya (Laraba) inda aka kashe mutane 20 a kar
Read more

An naɗa Ahmad Nuhu Bamalli a matsayin sabon sarkin Zazzau

Image
Gwamnatin jihar Kaduna da ke Najeriya ta naɗa Ahmad Nuhu Bamalli a matsayin sabon sarkin Zazzau. Sakon da aka wallafa a shafin gwamnatin jihar na Twitter, ya ambato Gwamnatin jihar na cewa "Gwamnatin jihar kaduna ta sanar da nada Alhaji Ahmed Nuhu Bamalli a matsayin sarkin Zazzau na 19. Ya mayer gurbin Mai Martaba Alhaji (Dr.) Shehu Idris wanda ya rasu ranar Lahadi, 20 ga watan Satumba 2020, bayan ya kwashe shekara 45 yana kan mulki."
Read more